چنين – پڵۆت - له‌ ڕۆمانى جه‌مشيدخانى مامم كه‌ هه‌ميشه‌ با له‌گه‌ڵ خۆيدا ده‌يبرد لێكۆڵينه‌وه‌يه‌كى تییۆری و شیكاری و پراكتیكييه

Main Article Content

تانیا ئه‌سعه‌د محه‌ممه‌د ساڵح

Keywords

Abstract

ئه‌م لێكۆڵینه‌وه‌یه‌ به‌ ناونیشانی (چنین له‌ ڕۆمانی( جه‌مشیدخانی مامم كه‌ هه‌میشه‌ با له‌گه‌ڵ خۆیدا ده‌یبرد ))ه‌، ئه‌مه‌ش هه‌وڵێكه‌ بۆ تیشك خستنه‌ سه‌ر ڕه‌گه‌زێكی گرنگ له‌ ڕه‌گه‌زه‌كانی ڕۆمان، له‌به‌ر ئه‌وه‌ی كه‌ تاكو ئێستا وه‌ك پێویست له‌ نێو ڕه‌خنه‌ی ئه‌ده‌بی كوردیدا بایه‌خی پێ نه‌دراوه‌ . ئه‌و ڕه‌گه‌زه‌ش چنینه‌ . چنین بونیادی ده‌قه‌، واتا ئه‌و ڕێكخستنه‌یه‌ كه‌ وا ده‌كات ڕۆمان بینایه‌كی ته‌واوی هه‌بێت. به‌و واتایه‌ی ڕه‌وتێكه‌ به‌ پله‌یه‌كی به‌هێز و پته‌و كه له‌ توانایدا گشت ڕووداوه‌ و پێكهاته‌كانی ده‌ق له‌نێو چوارچێوه‌ی ‌بینایه‌كی ته‌واوبوو كۆبكاته‌وه، ئه‌مه‌ش وه‌ك سستمێكه كه‌ به‌شه‌كانی ڕۆمان به ‌ڕه‌گه‌زه‌كانی گێڕانه‌وه‌‌ ده‌به‌ستێته‌وه‌ .
بۆ پراكتیكی چنین له‌ ڕۆماندا یه‌كێك له‌ ڕۆمانه‌كانی ڕۆماننووسی به‌ناوبانگی كورد (به‌ختیار عه‌لی) مان هه‌ڵبژارد . لێكۆڵینه‌وه‌كه له‌ دوو به‌ش پێكهاتووه‌ . به‌شی یه‌كه‌مدا باسی ‌چه‌مك و پێناسه‌ی چنینه‌ له‌ ئه‌ده‌بدا، و جۆره‌كانی چنین له‌ ڕۆماندا . له‌ به‌شی دووه‌مدا باسی ڕه‌گه‌زه‌ پێكهێنه‌ره‌كانی چنینی ڕۆمانی جه‌مشیدخانمان كردووه‌ . پاشان باسی جۆره‌كانی چنینمان كردووه له‌ ڕۆمانی ناوبراودا . و له‌ دوا ته‌وه‌ره‌دا باس چنین و گێڕانه‌وه‌مان كردووه‌ له‌ هه‌مان ڕۆماندا .

Abstract 93 | PDF Downloads 31