نووسـەك لە زمانی كوردیدا لێكۆڵینەوەیەكی وەسفی- شیكارییە

Abstract

پوختە        ئەم لێكۆڵینەوەیە بە ناونیشانی ( نووسەك لە زمانی كوردیدا ) سنووری لێكۆڵینەوەكە لە چوارچێوەی دیالێكتی كرمانجی ناوەڕاست دایە ، بۆیە نموونەی پێویست بە گوێرەی تەوەرەكانی بابەتەكە لە چوارچێوەی ئەم دیالێكتەدا ، بەپێی ڕێبازی (وەسفی-ـ شیكاری) شرۆڤەكراوە . هەرچەندە نووسەك كەرستەیەكی ئاستی مۆرفۆلۆجییە ، بەڵام سنووری دەركەوتنی لە چوارچێوەی گرێ‌ و ڕستە دایە ، لەگەڵ  ئەوەشدا جۆرە پێكداچوونێكی لەگەڵ زۆر دیاردەی تری مۆرفۆلۆجیدا هەیە وەك : گیرەك و پایەی بەند و پرتك و جێناو لە چوارچێوەی ئەركە مۆڕفۆسینتاكسیەكانیاندا ، بۆیە لێكجیاكردنەوە و پێكداچوونی (نووسەك) مان لەگەڵ ئەم بابەتانە بە پێویستزانی . بۆ ئەم مەبەستەش لێكۆڵینەوەكەمان دابەشكردۆتە سەر هەشت  تەوەرە :- تەوەرەی یەكەم سەرەتایەكە بۆ چوونە ناو بابەتەكە ، تەوەرەی دووەم چەمك و پێناسەی نووسەك خراوەتە ڕوو ، تەوەرەی سێیەم باس لە سەرهەڵدانی بیرۆكەی نووسەك كراوە ، تەوەرەی چوارەم ئەو كەرەستە و نیشانانەی ڕۆڵی نووسەك لە زمانی كوردیدا دەبینن پۆلێنكراوە ، تەوەرەی پێنجەم جۆرەكانی نووسەك لە زمانی كوردیدا خراوەتە ڕوو ، تەوەرەی  شەشەم  ئەركەكانی نووسەك ڕونكراوەتەوە ، تەوەرەی حەوتەم تایبەتمەندییەكانی نووسەك باسكراوە و لە تەوەرەی هەشتەمدا جیاوازی نێوان نووسەك و گیرەك بە نموونەی پێویست ڕوونكراوەتەوە. 
Published
Apr 1, 2018
How to Cite
. نووسـەك لە زمانی كوردیدا لێكۆڵینەوەیەكی وەسفی- شیكارییە. Journal of Humanity Sciences, [S.l.], v. 22, n. 2, p. 245 - 253, apr. 2018. ISSN 2412-396X. Available at: <http://zancojournals.su.edu.krd/index.php?journal=JAHS&page=article&op=view&path%5B%5D=2180>. Date accessed: 23 may 2018.
Section
Articles